ՀԱԿ-ԲՀԿ պատվիրակությունների հանդիպմանը ներկա ՀԱԿ խմբակցության քարտուղար Արամ Մանուկյանը լրագրողների հետ զրույցում նշեց, որ հանդիպումը սպասված էր և որ իրենք կարևորում էին այս հանդիպումը:
Նա նշեց, որ կողմերը պայմանավորվել են ավելի լայն և կոնկրետ հարցերի շուրջ համագործակցել.
«Մասնավորապես մեզ համար գնատահատելի է երկու տարվա աշխատանքը խորհրդարանում, մենք կշարունակենք այդ աշխատանքը շատ ավելի կոնկրետ, հանդիպումը եղել է շատ կոնկրետ, հստակ հարցերի շուրջ, բայց մենք հարգում ենք նաև մնացած քաղաքական ուժերի մասնակցությունը և ցանկացած որոշում, որ հետագայում կընդունենք, պետք է լինի չորսի համաձայնությամբ: Սա մեր հարգանքի նշանն է չորս քաղաքկան ուժերի, որը մենք արժեք ենք գնահատում»,- ասաց Արամ Մանուկյանը:
Հարցին՝ արդյոք Գագիկ Ծառուկյանի մոտ նկատվեց այլընտրանքային քաղաքական ուժի ղեկավարից ընդդիմադիր քաղաքական ուժի ղեկավար դառնալու ցանկություն, Արամ Մանուկյանը նշեց. «Ես տեսա ռեալ ցանկություն և շահագրգռվածություն՝ խնդիրները լուծելու և առավել ևս շահագրգռվածություն չորսի ֆորմատով աշխատելու»,- ասաց նա՝ հավելելով, որ աշխատում են խնդիրները դնել ընդհանրությունների վրա: Նրա խոսքով՝ կան տարաձայնություններ և այնպես չէ, որ չորս քաղաքական ուժերի հետ ունենք հարյուր տոկոսանոց համաձայնություն:
Նա նաև նշեց, որ այսօր խոսել են միայն ընդհանրությունների և համատեղ անելիքների շուրջ, կա կամք, կա ցանկություն համատեղ ծրագիր իրականացնելու և երկրի խնդիրները լուծելու, իսկ եթե կան տարբերություններ, ապա աշխատում են դրանց մասին չխոսել:
«Այսօրվա հանդիպումը կարևոր փուլ է, որը Հայաստանի քաղաքական դաշտում լուրջ հետևանքներ կունենա»,- հավելեց Արամ Մանուկյանը:
Նա նաև նշեց, որ չորս ուժերով հանդիպումը կկայանա առաջիկա օրերին, իսկ չորսի ֆորմատն արդեն իրականություն է:
«Սերժ Սարևգսյանը այն վիճակում է , որ այսպիսի ֆորմատները գնալով ուժեղանալու են»,- հավելեց նա:
Արամ Մանուկյանից հետաքրքրվեցինք՝ Գագիկ Ծառուկյանի մեղքի բաժինը շարունակո՞ւմ են տեսնել Մարտի մեկի պատասխանատուների մեջ, ինչպես 2008-ին բարձրաձայնում.
«Դուք հիմա ուզում եք լրիվ ուրիշ տեղ տանել, ես ասացի հետևյալը՝ համագործակցությունը կայանում է նրա հաշվին, որ մենք հիմք ենք ընդունում մեր ընդհանրությունները և մեր երկրի պրոբլեմները: Եթե ես հանկած հիշեմ ՀԱԿժ-ի և Դաշնակցության պրոբլեմները կամ «Ժառանգության» և ԲՀԿ-ի խնդիրները, ոչինչ չի ստացվի»:
Իսկ հավելմանը՝ տասը զոհ կա, պատասխանեց, որ իրենք բարձրաձայնում են Մարտի մեկի խնդիրը, իսկ ԲՀԿ-ն իր 35 քվերակությամբ մասնակցել է, իսկ այսօրվա հանդիպման կարևությունը առաջ նայելն է, և համատեղ խնդիրների լուծման ցանկություն հայտնելը:
Եթե ԲՀԿ-ն դառնա ընդդիմադիր, արդյոք չե՞ն սկսվի ճնշումներ Գագիկ Ծառուկյանի բիզնեսների նկատմամբ, Արամ Մանուկյանը պատասխանեց. «Ես հիմա քաղաքական վերլուծության պատրաստ չեմ»:
Նա նաև ասաց, որ քննարկվել է հարահավաք անցկացնելու հարցը, իսկ արդյուքների մասին կխոսի հետո:
