The Guardian բրիտանական պարբերականը կազմել է «Գահերի խաղի» բոլոր դրվագների վարկանիշը:
Առավել հաջողված է ճանաչվել երկրորդ եթերաշրջանի «Blackwater» անվանումով դրվագը, որտեղ ցուցադրվում է Blackwater գետի ափին տեղի ունեցող ճակատամարտը և Սթանիս Բարատեոնի զորքերի կողմից Royal Harbour-ի պաշարումը: Դրվագն անվանել են «կատարյալ հեռուստատեսային ժամ», ինչպես նաև սցենարի համար գովաբանել են Ջորջ Մարտինին, իսկ ռեժիսուրայի համար՝ Նիլ Մարշալին:
Երկրորդ տեղը գրավել է «Կարմիր հարսանիքը» երրորդ եթերաշրջանից: Նշվում է, որ այն շոուի երկրպագուներին ստիպել է բղավել, քանի որ ցուցադրվել է միանգամից մի քանի Սթարկների՝ Քեյթլինի, Ռոբի և Թալիսի մահը:
Երրորդ հորիզոնականում է հայտնվել «Բասթարդների ճակատամարտը» վեցերորդ եթերաշրջանից: Սցենարը գրել են սերիալի ստեղծողներ Դեվիդ Բենիոֆը և Դանիել Բրեթ Ուայսը, իսկ ռեժիսորը եղել է Միգել Սապոչնիկը: Դրվագում ցուցադրվող մարտն անվանել են հավակնոտ և թերևս լավագույններից մեկը սերիալում: Առավել ցնցող են համարել Սանսա Սթարկի Ռամսի Բոլթոնի նկատմամբ տարած հաղթանակի պահը և նրա խոսքը:
