Reddit-ի օգտատերերի շրջանում լայն տարածում է գտել երկու հայելիների դիմաց նստած կատվի լուսանկարով հրապարակումը: Հեղինակին հետաքրքրել է, թե հատկապես որ հայելուն է նայում կենդանին՝ օգտատերերի կարծիքով:
Լուսանկարը, երեքշաբթի, մայիսի 21-ին, հրապարակվել է vtopor նիկով օգտատիրոջ կողմից: Մեկնաբանողները փորձել են հասկանալ այս օպտիկական պատրանքը:
Ոմանք ենթադրել են, որ կատուն նայում է մեծ հայելուն, իսկ փոքրը միայն արտացոլում է նրա հայացքը: Սակայն օգտատերերի մեծամասնությունը եղել է այն կարծիքին, որ կենդանին կարող էր նայել հայելիներից ցանկացածին: Դա պայմանավորված է կատվային աչքի առանձնահատուկ կառուցվածքով:
invaderquirk օգտատերն ընդգծել է, որ կատվի ծիածանաթաղանթը աչքի խնձորակը բաժանում է երկու մասի և գտնվում է աչքի գրեթե կենտրոնում:
Այսպիսով, թեքության ցածր անկյունների դեպքում թվում է, թե կենդանին ներքև է նայում, իսկ բարձր անկյան տակ՝ վերև: Նրա խոսքերով, «նման տեխնիկան օգտագործվում է նկարներում, որտեղ աչքերը կարծես նայում են ձեզ»: