Երուսաղեմում հրեական հանրության հարյուրավոր օրթոդոքսալ ներկայացուցիչներ կազմակերպել են բողոքի ակցիա «Եվրատեսիլի» կողմից շաբբատի կանոնները խախտելու պատճառով: Այս մասին հաղորդում է The Times of Israel-ը:
Բողոքի մասնակիցները շրջափակել են Հանևիմ փողոցը և հարակից ճանապարհները՝ կանգնեցնելով տրանսպորտի երթևեկությունը: Հրեական համայնքի մի քանի ներկայացուցիչներ հարձակվել են ոստիկանների վրա: Արդյունքում հասարակական կարգը խախտելու և իրավապահ մարմինների աշխատակիցների վրա հարձակվելու համար ձերբակալվել է 6 կասկածյալ:
Օրթոդոքսալ հրեաների կարծիքով՝ «Եվրատեսիլը» պղծել է հրեական տոնը: Չնայած երգի միջազգային մրցույթը տեղի է ունեցել «հրեական շաբաթի» վերջին, դրա նախապատրաստման գործընթացը այդ ընթացքում կանգ չի առել: Կրոնական նորմերը նախատեսում են ամբողջովին հրաժարում աշխատանքից ուրբաթ արևի մայր մտնելուց հետո մինչև շաբաթ օրը արևի մայր մտնելը: