ՄԱԿ ԱԽ-ն պետություններից պահանջել է պարտադիր կերպով 18 տարեկանը հաստատել որպես մարտական գործողություններին մասնակցելու նվազագույն շեմ:
ԱԽ անդամների կողմից միաձայն ընդունված բանաձևում կոչ է արվում լիարժեքորեն պահպանել երեխաների իրավունքները զինված հակամարությունների պայմաններում, մասնավորապես՝ խուսափելով դպրոցները և հիվանդանոցները ռազմական նպատակներով կիրառելուց: Այս մասին տեղեկացնում է ITAR-TASS-ը:
Անվտանգության խորհուրդը նաև հիշեցրել է, որ համաձայն Հռոմի ստատուտի՝ 15 տարեկանից ցածր երեխաների հավաքագրումը համարվում է ռազմական հանցագործություն:
Ինչպես ԱԽ հանդիպմանը հայտարարել է ՄԱԿ-ի գլխավոր քարտուղար Պան Գի Մունը, ներկայում Սիրիայում հիվանդանոցների 40 տոկոսը չի գործում, ավելի քան 2.25 մլն երեխաներ դպրոց չեն գնում:
