Լուրեր
Քաղաքապետից հյուրանոց չեմ ուզում․ խնդրում եմ թույլ տա՝ մշակույթի կենտրոն կառուցեմ. Թոխատյան

Ե՛վ «Խաթաբալլադա», և՛ «Մեա գուլպա» ներկայացումների ժամանակ, միշտ վերջում ասում էի՝ այնպես եմ ուզում, որ գա ժամանակ, որ այլևս այս ներկայացումները կորցնեն ակտուալությունը: Միշտ ուզեցել եմ, որ բեմի վրա լինեն քաղաքի, ընկերության, սիրո մասին ներկայացումներ: 2018-ին ինձ թվաց, թե կարելի է արդեն հանգստանալ և բեմից խոսել սիրուց: Կխոսենք սիրո մասին, նոր ներկայացում է պատրաստվում, բայց միևնույն է, էլի մեղքի զգացումը չի թողնում, որ հանգիստ անցնես խաղաղ թեմաների: Ուզում ես անդրադառնալ նրան, ինչ կատարվում է քո երկրում, քեզ հետ, քո ընկերների, համաքաղաքացիների հետ: Ցավում եմ՝ «Մեա գուլպա»-ն ակտուալ է: Մենք այդպես էլ չենք հասկանում, որ մեղքը առաջին հերթին մեր մեջ պետք է փնտրենք, որովհետև հեշտ է մեղադրել որևէ մեկին»,- «Առաջին լրատվական»-ի հետ զրույցում այս մասին ասաց դերասան Հրանտ Թոխատյանը:

Նա նաև հավելեց, որ փոփոխությունն ակնհայտ է՝ նոր կյանք սկսելու, երկիրը կառուցելու հնարավորություն կա. «Բայց առանձնապես թևերը քշտած չենք սկսել կառուցել, այլ դեռ պահանջում ենք, որ մեզ համար կառուցեն մեր ուզած երկիրը: Դրա մեջ մեծ խնդիր կա»:

Դուք ընտրել եք կառուցելու, երկրի մշակույթը զարգացնելու ձեր ճանապարհը. 2017թ. որոշում կայացվեց անմխիթար վիճակում գտնվող Կանազի մշակույթի կենտրոնը տասը տարով տրամադրել Ձեզ: Ի՞նչ փուլում է գործընթացը:  Անդրադառնալով այս հարցին, Հրանտ Թոխատյանն ընդգծեց, որ միշտ երազել է մանկական թատրոնով զբաղվել, ներկայացումներ ստեղծել երեխաների համար. «Մինչև այսօր երազանք է… Քաղաքապետից ես հյուրանոց չեմ ուզում, խնդրում եմ թույլ տալ՝ մշակույթի կենտրոն կառուցեմ»:

Մանրամասն՝ տեսանյութում:

  • Դիտումներ՝ *