Լուրեր
Արցախյան հարցը հնարավոր է լուծել միայն կողմերի փոխվստահության մթնոլորտում, որն այսօր բացակայում է
  • 14:10
  • 2019-05-12
  • Դիտումներ՝ *

Այս 25 տարիներին հրադադարից լավագույնս օգտվել է Ադրբեջանի Հանրապետությունը. Նրանք հրադադարի տարիներին, օրինակ, Բաքու-Թբիլիսի-Կարս նաթամուղն են կառուցել։ Այս մասին «Առաջին լրատվական»-ի հետ զրույցում նշել է «Ազատ հայրենիք» կուսակցության «Հայրենիք» խորհրդարանական խմբակցության ղեկավար Արթուր Թովմասյանը:։

«Երբ ես ասում էի, որ Արցախի հիմնախնդրից նավթի հոտ է գալիս, որոշ քաղաքական գործիչներ ինձ չէին հասկանում։ Ես այդ նավթամուղն անվանել եմ խաղաղության նավթամուղ։ Միաժամանակ, լինել տնտեսապես հզոր, դեռ չի նշանակում մարտի ելքը վճռել քո օգտին։ Այդպիսի օրինակներ կան՝ ԱՄՆ-Վիետնամ, ԽՍՀՄ-Աֆղանստան։ Եվ ԱՄՆ-ը, և ԽՍՀՄ-ը մի քանի հարյուր անգամ ավելի հզոր էին, քան այն պետությունները, որոնց դեմ իրենք պատերազմում էին, բայց մենք տեսանք, թե ինչ եղավ։ Խորհրդային Ադրբեջանը նույնպես տնտեսապես հզոր էր ԼՂԻՄ-ից, թեկուզ մեր թիկունքում կար Հայաստանը և Սփյուռքը»,-ասաց Թովմասյանը։

Այդուհանդերձ, նա կարևորեց տնտեսական բաղադրիչը. «Մենք ապրիլյան պատերազմում տեսանք իրենց ժամանակակից զինատեսակները, նրանց սպառազինությունը, բայց մարտական ոգին ևս որոշեց պատերազմի ելքը»։

  • Դիտումներ՝ *