27 տարի է անցել Շուշիի հաղթանակից, բայց ամեն տարի, հատկապես մայիսյան այս օրերին քաղաքական վեճի առարկա է դառնում այն հարցը, թե ով է գրավել Շուշին, ում հրամանատարությամբ և ում անմիջական մասնակցությամբ, և սկվում է շահարկումը: «Առաջին լրատվական»-ի հետ զրույցում ՀՀ ներքին գործերի նախկին նախարար Սուրեն Աբրահամյանը նշեց. «Այդ շահարկումները որպես անբարոյականություն գնահատելը մի քիչ քիչ է: Վերջին հաշվով՝ հայ ժողովուրդը, հայ ռազմական միտքն է հաղթանակ տարել: Այն ժամանակ նման խնդիր չկար: Անցավ ժամանակ, և շատերը կարծեցին, թե մարդկային հիշողությունը շատ կարճ է, ու սկսեցին շահարկել:
Անգամ չարախոսներն ասում էին, որ իբրև թե երկրի նախագահ Լևոն Տեր-Պետրոսյանը Շուշիի ազատագրումից տեղյակ չի եղել: Ո՞նց կարելի էր: Քաղաքական շրջանակների համար Լ. Տեր-Պետրոսյանն ի՞նչ պիտի բացատրեր: Պարզ, մարդկային տրամաբանություն է՝ հայ ժողովուրդն է հաղթանակել: Եվ ես հիմա պաշտոնապես հայտարարում եմ, որ Լևոն Տեր-Պետրոսյանի պարագայում հնարավոր չէր, որ առանց նրա իմացության, առանց նրա օրհնանքի այդպիսի բան լիներ»:
Մանրամասն՝ տեսանյութում:
