Իրանի հասցեին ամերիկյան սպառնալիքների ֆոնին Պենտագոնը մայիսի 8-ին B-52H Stratofortress երկու ռազմական ռմբակոծիչ է ուղարկել Կատարի Էլ Ուդեյդ ավիաբազա՝ տեղեկացնում է Interfax.ru-ն։
Ամերիկյան ռմբակոծիչները, որոնք կարող են կրել «Թոմահավք» մեծ հեռահարության թևավոր հրթիռներ, թռել են Լուիզիանայի նահանգի Բարքսդեյլ ավիաբազայից: Մեծ Բրիտանիայի մերձակայքում դրանք վերալիցքավորվել են ամերիկյան ինքնաթիռների կողմից, որոնք օդ էին բարձրացել Անգլիայի Միլդենհոլլ ավիաբազայից:
Ավելի վաղ ԱՄՆ ազգային անվտանգության հարցերով նախագահի խորհրդական Ջոն Բոլթոնը հայտնել է, որ ԱՄՆ-ը Իրանի ափերի մոտ է ուղարկում ավիակիր և ռմբակոծիչներ և պատրաստ է ուժ կիրառել Իսլամական Հանրապետության կողմից իր շահերի և իր դաշնակիցների շահերի դեմ ոտնձգության դեպքում:
