«Ձայն։ Երեխաներ» նախագծի սկանդալային եզրափակիչը դեռ քննարկումների կենտրոնում է։ Հեռուստաշոուում հաղթել է երգչուհի Ալսուի դուստրը՝ Միքայելա Աբրամովան։ Հեռուստադիտողը չի համաձայնել դրան՝ հայտարարելով, որ աղջնակն առաջինն է դարձել շոու բիզնեսում մոր կապերի շնորհիվ։
Այս կապակցությամբ Առաջին ալիքի ղեկավար Կոնստանտին Էրնստը խոստացել է հետաքննություն անցկացնել։
Իր հերթին Մաքսիմ Գալկինն առաջիններից մեկն է սոցցանցերում վրդովվել հեռուստաշոուի արդյունքներից։
«Կարծում եմ՝ արժանի հաղթող կլիներ Էրժան Մաքսիմը, Անաստասիա Իվանովան կամ Նինո Չեսները։ Նրանք ֆանտաստիկ բնական ձայներով երեխաներ են։ Ես ցնցված եմ այդպիսի արդյունքից։ Առաջին անգամ եմ այսպիսի տրամադրությամբ ավարտում «Ձայն»-ի դիտումը»,-Instagram-ի իր էջում գրել է հաղորդավարը։
Ավելի ուշ Գալկինը հավելել է, որ հեռուստաշոուի մասնակից Մաքսիմ Էրժանն իր ձայնով նվաճել է անգամ Ալլա Պուգաչովային, ով հաղորդագրություններ է ուղարկել հաջակցություն տղայի։
Շաբաթ Ալլա Պուգաչովան անձամբ է մխիթարել երեխաներին, ովքեր պարտվել են Ալսուի դստերը։
«Պուգաչովան 4 երեխաների Ռուբլյովկայի էլիտար ռեստորաններից մեկն է հրավիրել»,-ասվում է աղբյուրներում։
Չհաստատված տեղեկատվության համաձայն՝ երգչուհու հետ հանդպիման ժամանակ նկատել են Նինո Չեսներին և Ռոբերտ Բագրատյանին։
Երգչուհին յուրաքանչյուր երեխայի հանձնել է «Ալլա Պուգաչովայի ոսկե աստղ» մրցանակը։
Նա այդ մրցանակը հիմնել է 2005-ին, որը հանձնում է երիտասարդ տաղանդներին և արդեն ճանաչում գտած երաժիշտներին, որոնց համակրում է։
