Հաշվի առնելով 2018 թ.-ի տվյալները, արդեն 2100-ին Facebook-ի «մեռած» հաշիվների թիվը կհասնի 1.4 միլիարդի: Դա նշանակում է, որ մոտավորապես 2070 թ.-ին մահացած օգտատերերի թիվը կգերազանցի «ողջ» պրոֆիլների քանակը: Եթե սոցիալական ցանցը շարունակի իր ընդլայնումն ընթացիկ տեմպերով, ապա հարյուրամյակի ավարտին «թվային գերեզմանոցը» կընդգրկի 4.9 միլիարդ էջ:
Աշխատանքի հեղինակները շեշտում են, որ անցյալում պատմության որևէ փուլում չէր հաջողվել մարդկության վարքագծի և մշակույթի առանձնահատկություններն ընդգրկող այսպիսի լայնածավալ արխիվ հավաքել: Գիտնականները կարծում են, որ նման արխիվի կառավարումն ինչ-որ չափով կարող է վերահսկել մարդկության պատմությունը, ուստի կարևոր է ապահովել, որ նոր սերունդները հնարավորություն ունենան օգտագործել թվային ժառանգությունը՝ սեփական պատմությունն ավելի լավ հասկանալու համար: