Մանհեթենում, առաջիկա տարիներին, կարող է ահաբեկչական հարձակման ընթացքում ավերված Համաշխարհային առևտրի կենտրոնի 541 մետրանոց շենքի բարձրությունը գերազանցող երկնաքեր հայտնվել: Ինչպես հաղորդել է Նյու Յորքի քաղաքային ճարտարապետությամբ զբաղվող YIMBY հասարակական կազմակերպությունը, 110-120 հարկանի բարձրություն ունեցող բնակելի համալիրը հնարավոր է կառուցվի Իսթ-ռիվեր գետի ափին, Ուոլ-սթրիթից չորս թաղամաս այն կողմ, Բրուքլինի կամրջի մոտ:
Համալիրը կարող է ընդգրկել 80 հազար քառակուսի մետր ընդհանուր տարածքով շուրջ 500 բնակարաններ: Եթե հաջողվի նախագիծը կյանքի կոչել, ապա շենքը 30 մետրով բարձր կլինի Համաշխարհային առևտրի կենտրոնից, իսկ եթե շինարարությունն իրականացնող կազմակերպությունը համաձայնի բնակելի համալիրում դպրոց և այլ սոցիալական օբյեկտներ ներառել, ապա քաղաքային իշխանությունները կարող են թույլատրել ավելի բարձր շենքի կառուցումը:
