Ուկրաինայի նախագահական ընտրություններում հաղթանակ տարած Վլադիմիր Զելենսկին ընտանիքի հետ հանգստանում է Թուրքիայի հարավ-արևմուտքում՝ Բոդրումի հանգստավայրային շրջանում:
Քաղաքական գործիչը կանգ է առել Գյուվերջինլիք թաղամասի հինգաստղանի հյուրանոցներից մեկում: Թուրքական «Անադոլու» գործակալությունը Զելենսկու հանգստից լուսանկար է հրապարակել:
Նախօրեին երեկոյան Զելենսկին ընտանիքի հետ ճաշել է Բոդրումի ռեստորաններից մեկում: Նա ուրախ ժամանակ է անցկացրել, կատակել է ռեստորանի աշխատակիցների հետ և նույնիսկ ժամանակավորապես զբաղեցրել խոհարարի տեղը՝ խորոված անելով:
Ռեստորան թույլատրված էր միայն «Անադոլու» գործակալության լուսանկարչի մուտքը: Հյուրանոցում և այն օբյեկտներում, որտեղ այցելել է Ուկրաինայի նորընտիր նախագահը, ընդունել են անվտանգության հատուկ միջոցառումներ:
Ինչպես հաղորդել է ՈՒՆԻԱՆ-ը՝ Զելենսկին ուկրաիներենով և ռուսերենով շնորհավորել է հայրենակիցներին Պահքի տոնի առթիվ: Նա բոլորին մաղթել է խաղաղություն, բարություն և համեղ կուլիչներ:
