Մեծ Բրիտանիայի բուքմեյքերական ընկերությունները սկսել են ընդունել արքայազն Հարիի և Սասեքսի դքսուհի Մեգան Մարքլի ապագա երեխայի անվան, սեռի և արտաքինի վերաբերյալ դրույքաչափեր: Այս մասին գրում է RTL պարբերականը:
Ենթադրվում է, որ երեխան կծնվի մայիսի սկզբին: Սեռը և անունը դեռ հայտնի չեն, ինչի հետ կապված էլ այժմ բուքմեյքերները փորձում են կանխագուշակել դրանք՝ ընդունելով համապատասխան դրույքաչափեր:
Այս պահի դրությամբ ամենահավանականն այն է, որ լույս աշխարհ կգա աղջիկ՝ շիկակարմիր մազերով և Դիանա անունով:
Մեկ այլ պարբերականի՝ Straits Times-ի հաղորդմամբ՝ երկրի հայտնի բուքմեյքերական գրասենյակներից մեկը՝ William Hill-ը, ընդունում է աղջկա ծնվելու մասին դրույքաչափերը 2/5 գործակցով: Նրա ներկայացուցիչների խոսքով՝ սովորաբար այդպիսի գործակիցները նշանակում են, որ խաղացողները հավանաբար իմանում են այս կամ այն իրադարձության ելքը: Սակայն այս դեպքում հավանական է, որ ընկերության հաճախորդներից մեկը ուղղակի կրկնել է մյուսների դրույքաչափերը:
Այլ դեպքերում շիկակարմիր մազերի հավանականությունը գնահատվում է 75 տոկոս, իսկ Դիանա անվանումը՝ 60 տոկոս: