Եթե Ղրիմի ինքնավար հանրապետությունը հայտարարի իր անկախության մասին, ապա կարող է հայտնվել Թուրքիայի ենթակայութան ներքո: Այս մասին գրում է թուրքական Hurriyet թերթը:
Հոդվածագրի խոսքերով՝ այս մասին վկայում է պայմանագիրը, որը 230 տարի առաջ ստորագրել են Օսմանյան և Ռուսական կայսրությունները, ըստ որի՝ թերակղզին Օսմանյան կայսրության կազմից անցել է Ռուսաստանի կազմ: Փաստաթուղթը ստորագրվել է Ռուսաստանի կայսրուհի Եկատերինա Մեծի կողմից՝ 1783թ. :
Հաղորդվում է, որ փաստաթղթի կարևորագույն կետերից մեկով՝ թերակղզին անկախություն չի հռչակի և չի կարող փոխանցվել երրորդ կողմին, հակառակ դեպքում Ղրիմը պետք է մեխանիկորեն վերադարձվի Թուրքիային:
Ընդ որում, նշվում է, որ դեռևս 1991թ.՝ ԽՍՀՄ փլուզումից և Ուկրաինայի անկախության հռչակումից հետո, Թուրքիան իրավունք ունեցել է վերադարձնել Ղրիմը: Սակայն Թուրքիայի կառավարությունը, որն այդ ժամանակ գլխավորում էր Թուրգութ Օզալը, հաշվի առնելով Թուրքիայի հյուսիսում տեղ գտած աշխարհաքաղաքական փոփոխությունները, չպնդեց այդ դիրքորոշումը: Թուրքիան սահմանափակվեց միայն նրանով, որ պահանջեց վերականգնել ղրիմցի թաթարների իրավունքը, որոնք փոքրամասնություն են կազմում Ղրիմում՝ նշվում է հոդվածում:
Եթե Ղրիմը ցանկանա միանալ Ռուսաստանին, ապա անհրաժեշտ է անկախություն հռչակել Կիևից: Եվ հենց այդ պահին Թուրքիան կարող է հայտարարել՝ «Ստանձնում եմ Ղրիմի կառավարման վերահսկողությունը»,- նշում է հոդվածագիրը:
