Բացի անձի դիրքորոշումից, չափազանց կարևոր է նաև հասարակության դիրքորոշումը, որը կարծում եմ՝ դրա պատասխանը ժամանակին տվել է։ Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Արտակ Մանուկյանը՝ անդրադառնալով դիտարկմանը, որ նախօրեին իր քաղաքականության վերադարձի մասին հարցին, Սերժ Սարգսյանը ասաց, որ երբ ժամանակը գա, կխոսի, և արդյոք դրանով նա ցույց տվեց, որ քաղաքականության մեջ անելիք չունի։
«Վերադառնալու համար նախ պետք է հասկանալ սխալները, որը նրա հեռանալու հայտարարության մեջ կար։ Պետք է հասկանալ, թե որոնք էին արված սխալները, ինչ է փոխվել այս ընթացքում այդ սխալների հետ կապված։ Տարբեր մարդիկ կարող են քաղաքականության մեջ դերակատարում ունենալ, բայց թե որքանով է դա արժեքավոր, որքանով է հասարակությունը դրա հետ համակերպված, սրա պատասխանը տալիս է ինքը՝ հասարակությունը»,-ասաց նա։
Ինչ վերաբերում է նրան, որ Սերժ Սարգսյանն արդեն մեկ տարի լռում է, Արտակ Մանուկյանն արձագանքեց. «Կարծում եմ՝ դա պայմանավորված է նրանով, որ այս ժամանակաշրջանում վերաիմաստավորելու, ինչու ոչ, նաև հանրային հարցերին անդրադառնալու, դրանց պատասխաններին պատրաստվելու շրջան կարող ենք դիտել»։
