Կանադայի Քվեբեկ մարզի իշխանությունները պահանջել են Delilah’s կանանց բուտիկի սեփականատեր Իվա Կուպերից օգտվել Facebook-ի ֆրանսերեն տարբերակից՝ անգլերեն տարբերակի փոխարեն: Այս մասին հայտնում է Canoe.ca պորտալը:
Ֆրանսերեն լեզվի Քվեբեկի վարչության (OQLF) ներկայացուցիչները Կուպերին մեղադրել են նահանգում գործող օրենքների խախտման համար: Ինչպես ասվում է ձեռնարկատիրուհու ստացած OQLF-ի նամակում, Facebook-ում նրա գրառումները հավասարվում են կոմերցիոն նշանակության տեքստերին, հետևաբար պետք է հասանելի լինեն ֆրանսերենով:
Պաշտոնյաների խոսքով՝ Իվա Կուպերը կարող է անգլերենով շփվել իր ընկերների հետ, սակայն բոլոր գրառումները Delilah’s խանութի էջում պետք է լինեն ֆրանսերեն, ինչպես պահանջում է Քվեբեկում ընդունված «Ֆրանսերեն լեզվի հռչակագրի» 52-րդ հոդվածը:
Կուպերը մինչև մարտի 10-ը անգլերեն բոլոր հաղորդագրությունները պետք է կամ ջնջի, կամ ֆրանսերեն թարգմանի: Հակառակ դեպքում նրան սպառնում է դատական հայց և տուգանք: Կուպերը նման պահանջն անհիմն է համարում: