Կալիֆորնիայի իշխանությունները պատրաստվում են սպանել հմայիչ արջուկին նրա «չափազանց մարդամոտության» համար

Կալիֆորնիայի իշխանությունները պատրաստվում են «քնեցնել» հմայիչ էգ արջուկին, որը Թրաքի քաղաքի հայտնի Northstar հանգստավայրի մոտակայքում ազատ մոտենում է սնոուբորդիստներին և դահուկորդներին։ Ենթադրում են, որ նրա մայրը մահացել է, և նա մարդկանց մոտ մխիթարություն և ուտելիք է փնտրում։

Հանգստացողները հիացած են արջուկով, սակայն տեղի իշխանությունները համարում են, որ վտանգավոր է այդքան մոտ շփումը կենդանու հետ։ Նրանք ասում են, որ արջուկը կմեծանա և նորից կփորձի մոտենալ մարդկանց, արդյունքում նրան ինչ-որ մեկը կսպանի։ Այժմ քննարկում են կենդանուն «քնեցնելու» կամ անազատության մեջ ապաստան տալու տարբերակները։