Կանադայի Տորոնտո քաղաքում տեղի է ունեցել խոշոր ճանապարհատրանսպորտային պատահար՝ 96 ավտոմեքենաներ միմյանց են բախվել: Այս մասին հայտնում է CTV News-ը:
Վթարի պատճառը ձնաբուքն էր, որը մուտք է գործել Հուրոն լճից ու նվազեցրել տեսանելիությունը ճանապարհներին, ինչպես նաև մերկասառույցը:
Ճանապարհային ոստիկանության տվյալներով՝ չնայած մեծ քանակությամբ վնասված ավտոմեքենաներին, ոչ ոք լրջորեն չի տուժել:
Բժիշկները հայտնում են 3 վիրավորների մասին, որոնք ստացել են թեթև վնասվածքներ: Այն ճանապարհահատվածը, որտեղ տեղի է ունեցել վթարը, փակ է: Սպասվում է, որ այն փակ կլինի ամբողջ օրվա ընթացքում:
