Աշխատող գերմանացիների մեծամասնությունը (86%) ընդունում է, որ ժամանակ առ ժամանակ շեղվում են իրենց աշխատանքային պարտականություններից: Միայն 12%-ն է պնդում, որ իրենք երբեք չեն շեղվում (ևս 2%-ը վստահ չեն): Ավելի քան կեսը (64%) կողմնակի գործերով զբաղվում է օրական 30 րոպեից պակաս: Հարցվողների մեկ հինգերորդը (21%) խոստովանում է, որ 30 րոպեից մինչև մեկ ժամ դատարկաբանում է, յուրաքանչյուր տասներորդը՝ ավելի քան մեկ ժամ է ծուլանում: Այս եզրահանգումները YouGov-ի և Statista-ի համատեղ ուսումնասիրության արդյունքներն են, որին մասնակցում էին 18-ից բարձր ավելի քան 1000 հարցվող:
Գերմանացիների համար ամենալուրջ «շեղող հանգամանքը» գործընկերներն են: Ոչինչ այնքան շատ աշխատանքից չի շեղում, որքան անձնական զրույցները. մեկը պատմում է անցած արձակուրդների, մյուսը՝ նոր մեքենայի կամ երեխաների հաջողությունների մասին: Աղմուկը խանգարում է նրանց, ովքեր չեն մասնակցում զրույցին: Եթե զրուցակից չունեք, փոխարենը կա սմարթֆոն՝ սուրհանդակներով, ինտերնետով և էլեկտրոնային փոստով:
