ԱԺ առաջիկա քառօրյա նիստում կքննարկվի Հարկային օրենսգրքի փոփոխությունների նախագիծը: Թեմայի շուրջ «Առաջին լրատվական»-ի հետ զրույցում հանրային ֆինանսների, հանրային կառավարման փորձագետ Հովհաննես Ավետիսյանը և ԱԺ «Իմ քայլը» խմբակցության պատգամավոր Եղիշե Սողոմոնյանն անդրադարձան նախագծում առկա մի քանի խնդրահարույց կետերի:
«Հարկային համակարգում վարչարարության և հարկման ընդհանուր տրամաբանության հետ կապված խնդիրներ կան: Կան հարկման տարբեր ռեժիմներ, հետևաբար տարբեր գործող սուբյեկտներ, որոնց հարաբերություններում առաջանում են տեխնիկական խնդիրներից մինչև բովանդակային խնդիրներ, և գլխավոր խնդիրն այն է, որ նոր Հարկային օրենսգրքով այդ խնդիրները չեն լուծվում»,- նշեց Հ. Ավետիսյանը: Տնտեսագետի խոսքով՝ գլոբալ խնդիրներ դեռևս մնում են, որոնց լուծումները նոր Հարկային օրենսգրքով չեն առաջարկվում: Նրա կարծիքով՝ Հարկային նոր օրենսգրքի ստեղծման պրոցեսը ներառական չի եղել, մինչդեռ լավագույն օրենքները ձևավորման փուլում քննարկվում են ոլորտի սուբյեկտների հետ:
Ե. Սողոմոնյանը հակադարձեց՝ նշելով, որ կառավարությունը պատրաստ է լսել, քննարկել և գնալ որոշակի զիջումների, եթե տնտեսական առումով երկրի շահերից բխող առաջարկներ լինեն. «Ձևավորվել է նորմալ քննարկման միջավայր»:
Մանրամասն՝ տեսանյութում:
