Facebook սոցիալական ցանցը Skype-ի հետ համատեղ սկսում է նոր ծառայության՝ տեսաձայնային կապի մատուցումը: Այս մասին հաղորդում է TechCrunch տեխնոբլոգը: Ավելի վաղ այս շաբաթ սոցցանցի հիմնադիր Մարկ Ցուկերբերգը խոստացել էր, որ այս շաբաթ լինելու նոր «հրաշալի» ծառայության գործարկումը:
Սակայն մասնագետները երկար գուշակություններ էին անում, թե այդ ինչպիսի անակնկալ է պատրաստվում մատուցել Ցուկերբերգը: Այդ անակնկալը իրոք պետք է մեծ լիներ, քանի որ Google-ի կողմից բացված Google+ սոցցանցը մեծ իրարարնցում է առաջացրել և հավակնում է լուրջ մրցակցության մեջ մտնել Ցուկերբերգի հիմնադրած սոցցանցի հետ:
Լավատեղյակ աղբյուրները TechCrunch-ին հայտնել են, որ Facebook-ը Skype-ի հետ համատեղ վիդեոչաթի հնարավորություն է տալու: Սակայն պարզ չէ, թե արդյոք դրանից կարող են օգտվել սոցցանցի բոլոր օգտատերերը, թե միայն նրանք, ովքեր գրանցված են Skype-ում: Այս երկու ընկերությունները նախկինում էլ են համագործակցել: Մասնավորապես Facebook-ի և Skype-ի կոնտակտ էջերը ներդաշնակեցված են:
