Forbes ամսագիրը հրապարակել է Ուոլ-սթրիթի ամենահաջողակ թրեյդերների վարկանիշը: Առաջին 20 թրեյդերները և մենեջերները 2018-ին վաստակել են 10.3 մլրդ դոլար: Վարկանիշում ընդգրկվածների ավելի քան կեսը որոշումներն ընդունել է օգտագործելով համակարգչային ալգորիթմերը:
Վարկանիշը գլխավորում է Renaissance Technologies-ի հիմնադիր Ջիմ Սայմոնսը 1.6 միլիարդ դոլար եկամուտով: Սայմոնսը մաթեմատիկական մոդելների միջոցով գործարքներն իրականացնող պատմության ամենահայտնի թրեյդերն է: Renaissance Technologies-ի ներդրումային ֆոնդը 60 մլրդ դոլար է:
Երկրորդ հորիզոնականում BlueCrest Capital Management-ի հիմնադիր Մայք Փլաթն է 1.2 միլիարդ եկամուտով: Երրորդ տեղում Bridgewater Associates-ի հիմնադիր Ռեյ Դալիոն է՝ 1 միլիարդով: Առաջատար հնգյակում են նաև Citadel-ի հիմնադիր Քեն Գրիֆին (870 մլն դոլար) և Two Sigma Investments-ի հիմնադիրներից մեկը՝ Ջոն Օվերդեկը (700 մլն դոլար):
