Հայաստանի հավաքականի հարձակվող, Դոնեցկի «Մետալուրգ»-ի նորեկ Գևորգ Ղազարյանը, ով անմիջապես հարմարվեց ուկրաինական ակումբի խաղաոճին և անցկացրած 3 հանդիպումներում դարձավ 3 գոլի հեղինակ, ավստրրիական «Կապֆենբերգ»-ի հետ երեկ կայացած խաղից հետո կիսվել է ակումբի պաշտոնական կայքի հետ:
-Տեղափոխվելով «Մետալուրգ»` ես նոր փուլ սկսեցի իմ կարիերայում: Թիմում շատ են բարձրակարգ ֆուտբոլիստները, նրանք բոլորն էլ կոմբինացիոն ֆուտբոլ են խաղում, ինչն ինձ դուր է գալիս:
– Գևորգ, դու միշտ եզրո՞ւմ ես խաղացել:
-Այո, ես հաճախ եմ ձախ եզրայինի գոտում խաղացել:
-Դու անմիջապես ցուցադրեցիր քո ռմբարկուական հատկանիշները: Մի՞թե քեզ ընդհանրապես ժամանակ պետք չեկավ հարմարվելու համար:
-Ինձ համար կարևորն է այն է, որ թիմը հաղթի: Գոլեր խփելը հաճելի է, սակայն ավելի կարևոր է թիմի հաջողությունը:
-Հայաստանի հավաքականի ո՞ր հանդիպումն է ամենատպավորիչը եղել քեզ համար:
-Իմ առաջին խաղը ազգային հավաքականի կազմում` Պորտուգալիայի դեմ: Այն ժամանակ ես փոխարինման դուրս եկա:
-Քեզ համար «Մետալուրգ»-ն առաջին արտասահմանյան ակումբն է: Ինչ-որ հատուկ զգացողություններ ունե՞ս:
-Ամեն ինչ կարգին է: Ինձ այստեղ բոլորը շատ լավ ընդունեցին:
-Ուկրաինայի առաջնության մեկնարկից մեկ շաբաթ առաջ ինչպե՞ս ես գնահատում քո ֆիզիկական վիճակը:
-Ինձ թվում է, որ ես պատրաստ եմ, սակայն բոլոր որոշումները կայացնում է Վլադիմիր Պյատենկոն:
Լուսանկարը` «Մետալուրգ»-ի պաշտոնական կայքի
