«Արցախում նոր գործընթացներ են մեկնարկել։ Թերևս գուցե մի քիչ շուտ, բայց դա կապ չունի՝ ժողովրդավարական երկրին բնորոշ գործընթաց է։ Մենք ակնկալում ենք, որ քաղաքական դաշտում լուրջ և արմատական վերադասավորումներ են լինելու»,- «Առաջին լրատվական»-ի հետ զրույցում ասաց Արցախի նախագահ Բակո Սահակյանի աշխատակազմի ղեկավարի տեղակալ Դավիթ Բաբայանը. նա պատրաստվում է իր համախոհների հետ ստեղծել Արցախի Պահպանողական կուսակցություն։
Մեր զրուցակիցը նշեց. «Մեր ուժը լինելու է կենտրոնամետ, չենք ուզում որդեգրել այնպիսի ուժի կարգավիճակ, որը պետք է միայն արմատապես քննադատի իշխանություններին, և ոչ էլ իշխանությունների կցորդ ենք լինելու։ Փորձելու ենք նոր մշակույթ մտցնել քաղաքական դաշտում»։
Դավիթ Բաբայանն անդրադարձավ արդեն իսկ նախագահական ընտրություններին մասնակցության հայտ ներկայացրած գործիչներին. «Ամեն ինչ պետք է լինի օրենքի սահմաններում, թող նախընտրական նորմալ պայքար ընթանա։ Ես ուզում եմ, որ կուսակցությունների ու քաղաքական ուժերի միջև թշնամանքի փոխարեն մտքերի բախում լինի»։
Հարցազրույցն ամբողջությամբ՝ տեսանյութում: