Թերթը հայտնում է, որ ՀՀ վարչապետի օգնական Արմեն Սինանյանը այս տարվա մայիսի 20-ին իր դիմումի համաձայն ազատվել է աշխատանքից, իսկ վերջերս էլ մեկնել է ԱՄՆ։
Թերթի տեղեկություններով՝ Սինանյանը մտադիր է մշտապես մնալ ԱՄՆ-ում.
«Ինչո՞վ է առանձնանում Արմեն Սինանյանը գաղթի ճամփան բռնած մեր հազարավոր քաղաքացիներից: Սինանյանը սովորական քաղաքացի չէ: Նա 2003 թվականի խորհրդարանական և նախագահական ընտրությունների ժամանակ ՀՀ Կենտրոնական ընտրական հանձնաժողովի անդամ էր՝ նշանակված Ռոբերտ Քոչարյանի կողմից և, բնականաբար, իր ստորագրությունով հաստատել է այդ տարի խայտառակ խախտումներով տեղի ունեցած նախագահական և խորհրդարանական ընտրությունների արդյունքները: Այնուհետև նա «Համահայկական երիտասարդական միջազգային կենտրոն» հիմնադրամի տնօրենն էր, նաև՝ տխրահռչակ «Բազեի» համահիմնադիրներից…»,- գրում է «ՀԺ»-ն և հավելում.
«Ու այսպիսի «քաղաքացիների» պատճառով Հայաստանը դարձել է մի այնպիսի երկիր, որտեղից հենց իրենք են արտագաղթում: Բայց այս փաստին նայենք մեկ այլ տեսանկյունից: Արտագաղթը, ինչպես հրապարակավ խոստովանել է ՀՀ վարչապետ Տիգրան Սարգսյանը, հեղափոխությունից խուսափելու միակ ձևն է: Երևի ՀՀ վարչապետին չեն գոհացնում արտագաղթի ներկայիս տեմպերը, և հեղափոխության տեսլականը նրան ստիպում է գովազդային նպատակներով արտագաղթեցնել նաև իր օգնականներին»: