Այսօր Սերժ Սարգսյանի հետ Կիևում կայացած հանդիպումից հետո Ուկրաինայի նախագահ Վիկտոր Յանուկովիչը հայտարարել է, որ Ուկրաինան կօգնի կարգավորել այն: Այս մասին հաղորդում է УНИАН-ը: Նա ասել է, որ Ուկրաինան լավ հարաբերություններ ունի թե՛ Հայաստանի և թե՛ Ադրբեջանի հետ, այդ պատճառով շահագրգռված է, որպեսզի հակամարտությունը կարգավորվի: Յանուկովիչը խոստացել է, որ Եվրոպայի անվտանգության և համագործակցության կազմակերպությունում 2013թ. նախագահելու ժամանակ Ուկրաինան հնարավոր ամեն ինչ կանի` Լեռնային Ղարաբաղի հակամարտությունը մոտ ապագայում կարգավորելու համար:
Սերժ Սարգսյանն, իր հերթին խոսելով հակամարտության վերաբերյալ և Կազանից հետո ստեղծված իրավիճակի մասին, ասել է, որ ՌԴ նախագահ Դմիտրի Մեդվեդևը երեկ իրեն և Ադրբեջանի նախագահ Իլհամ Ալիևին նամակ է հղել, որում ներկայացրել կարգավորման գործընթացում հետագա գործողությունների իր առաջարկները:
