Գերմանիան, որն այսօր դարձել է ՄԱԿ-ի անվտանգության խորհրդի նախագահող երկիր, հայտարարել է, որ ամեն ինչ անելու է, որպեսզի Սիրիայի կառավարության գործողությունները դատապարտող բանաձև ընդունվի: Այս մասին հաղորդում է Reuters գործակալությունը` հղում կատարելով Գերմանիայի արտաքին գործերի նախարար Գիդո Վեստերվելլեին:
Արտաքին գերատեսչության ղեկավարն ասել է, որ ՄԱԿ-ը պետք է հստակ գնահատական տա սեփական ժողովրդի նկատմամբ Սիրիայի իշխանությունների գործողություններին: Նշվում է, որ Գերմանիայի, Ֆրանսիայի, Մեծ Բրիտանիայի և Պորտուգալիայի կողմից մշակված բանաձևի նախագիծը դեռ չի ստացել Անվտանգության խորհրդի բոլոր անդամների հավանությունը: Այս պահին Ռուսաստանը, Չինաստանը, Բրազիլիան, Հնդկաստանը և ՀԱՀ-ը այս կամ այն կերպ խոչընդոտում են բանաձևի ընդունմանը: Սակայն ՄԱԿ-ում Գերմանիայի ներկայացուցիչ Պետեր Վիտինգն ասել է, որ իրենք փորձելու են համոզել «վատատեսներին» և հասնել փոխզիջման:
Գերմանիան նախագահության այս մեկ ամսվա ընթացքում ձգտելու է նաև բանաձև ընդունել, որով կուժեղացվեն երեխաների իրավունքների պաշտպանության մեխանիզմները հակամարտությունների ժամանակ: