Ուզբեկստանի նախագահի դստեր՝ Գյուլնարա Քարիմովայի շրջապատից մի քանի մարդ երկուշաբթի օրը բերման են ենթարկվել հանրապետության գլխավոր դատախազություն: Այս մասին գրում է Ria Novosti-ն՝ վկայակոչելով գերատեսչության մամլո ծառայությանը:
Մասնավորապես, մամուլում շոշափվում են Ռուստամ Մադումարովի, Գայանե Ավագյանի և Եկատերինա Կլյուևայի անունները, ովքեր համարվում են «Քարիմովայի մտերիմ գործընկերները»: Հստակեցվում է, որ նրանք անցնում են Terra Group-ի, Prime Media-ի, Gamma Promotion-ի և մի շարք այլ ընկերությունների դեմ գործերով: Վերջիններս մեղադրվում են հարկերի վճարումից խուսափելու մեջ:
