Օրերս Ճապոնիայի ավելի քան 9000 բնակիչներ մասնակցել են Հադակա Մացուրի փառատոնին կամ «Մերկերի տոնին»: Աղմկոտ միջոցառման մասնակիցները հերթական անգամ մենամարտել են սուրբ փայտիկների համար: Այս մասին գրում է Daily Mail-ը:
Ճապոնիայում արդեն մի քանի հարյուրամյակ նշվող այս տոնի էությունը սուրբ փայտիկը բռնելն է, որը, համաձայն ճապոնացիների հավատալիքների, ողջ տարվա ընթացքում հաջողություն և երջանկություն է բերում:
Այս տարի մերկ ազդրերին սպիտակ ծածկոցներ կրող մոտ 9000 ճապոնացիներ հավաքվել են Սայիդայձի տաճարում, ապա սառը ջրում մաքրման արարողություն են իրականացրել: Դրանից հետո բոլորը տաճարում քար լռությամբ սպասել են հոգևորականի հայտնվելուն, որի մոտ էլ լինում են սուրբ փայտիկները: Կեսգիշերին բազմահազարանոց ամբոխի մեջ նետվել են մի քանի «սուրբ շինգի» կոչվող փայտիկներ, որոնց համար էլ սկսվել է պայքարը:
