Պաշտպանության նախարար Սեյրան Օհանյանը մասնակցում է ԵԿՄ համագումարին: Ինչպես հայտնի է, նա ԵԿՄ անդամ է:
Հիշեցնենք, որ վերջին շրջանում խոսակցություններ էին շրջանառվում, որ Մանվել Գրիգորյանից հետո նա է դառնալու ԵԿՄ նախագահը:
«Առաջին լրատվական»-ի հարցին՝ արդյոք նա նախապատրաստվո՞ւմ է առաջիկայում դառնալ ԵԿՄ նախագահ, Սեյրան Օհանյանը պատասխանեց՝ այդպիսի բան չկա:
Հիշեցնենք նաև, որ վերջին շրջանում ղարաբաղյան պատերազմին մասնակցած շատ ազատամարտիկներ դժգոհություններ են հայտնում իշխանությունների նկատմամբ, առանձին միավորումներ ստեղծում և բողոքի ակցիաներ կազմակերպում:
Մեր հարցին՝ ինչպե՞ս է գնահատում իրավիճակը, որ կռված ազատամարտիկների մի փոքր խումբ իշխանությունների հետ համագործակցելով տիրապետում են հսկայական հարստությունների, իսկ մեծ մասը նույնիսկ չի կարողանում լուծել օրվա հացի խնդիրը, Սեյրան Օհանյանը պատասխանեց, որ Հայաստանի բոլոր քաղաքացիների նման ԵԿՄ անդամներն էլ իրավունք ունեն բիզնեսով զբաղվելու: Ինչ վերաբերում է նրանցից շատերի անապահով վիճակին՝ Պնախարարը պատասխանեց, թե նրանք ՀՀ քաղաքացիների մի մասնիկն են և ունեն այն դժվարությունները, ինչը ունեն մյուս քաղաքացիները:
