The Jerusalem Post-ի տեղեկամցմաբ՝ իսրայելական Aeronautics ընկերությունը մրցույթ հաղթելու արդյունքում բազմամիլիոնանոց պայմանագիր է կնքել Ադրբեջանի հետ:
Լրատվամիջոցը տեղեկացնում է, որ երկամյա ժամկետով պայմանագրի արժեքը 13 մլն դոլար է: Այն ենթադրում է նախկինում իր հիմնական պատվիրատուին՝ Ադրբեջանին վաճառված Orbiter 1K անօդաչու թռչող սարքերի տեխնիկական սպասարկում:
Աղբյուրը մանրամասնում է, որ Orbiter 1K «մահապարտ» ԱԹՍ-ն կարող է 1-2 կգ քաշով պայթուցիկ տանել և մինչև երեք ժամ օդում մնալ: Բազմասենսորային տեսախցիկով համալրված սարքն արձակվում է կատապուլտով, ինչից հետո այն սկանավորում է տարածքը, գտնում, վերացնում շարժվող ու անշարժ թիրախը: Թիրախը չգտնելու դեպքում այն վերադառնում է ռազմակայան: