Ֆրանսիական Air France ավիաընկերությունն իր ուղևորներին թույլ է տվել թռիչքի ամբողջ ընթացքում օգտագործել էլեկտրոնային ցանկացած սարք, այդ թվում՝ բջջային հեռախոսներ և պլանշետային համակարգիչներ: Ինչպես հաղորդում է ITAR-TASS-ը՝ վկայակոչելով ազգային փոխադրողի ղեկավարությանը, արգելքը հանելու մասին որոշումը հիմնված է Ավիացիոն անվտանգության եվրոպական գործակալության (EASA) վերջին հրահանգի վրա:
Հաղորդվում է, որ ըստ EASA-ի պահանջների՝ ընդունող-ուղարկող սարքեր ունեցող էլեկտրոնիկան պետք է փոխվի թռիչքի ռեժիմի: Այսպիսով, ինքնաթիռում բջջային ինտերնետի, բջջային ցանցի, փոխանցման անլար համակարգերի օգտագործումը թռիչքի ժամանակ արգելված է մնում:
Ընկերությունը նաև ընդգծել է, որ բոլոր սարքերը պետք է անջատվեն, եթե դա պահանջում է ընթացիկ իրավիճակը:
