Գերմանիայի կանցլեր Անգելա Մերկելը և ԱՄՆ նախագահ Դոնալդ Թրամփի դուստրը՝ Իվանկա Թրամփը, Մյունխենի անվտանգության հարցերով համաժողովում հանդիպում են անցկացրել: Այս մասին Իվանկա Թրամփը գրել է իր Թվիթերում:
«Ուրախալի էր կրկին հանդիպել կանցլեր Մերկելի հետ: Նա կանանց պրոֆեսիոնալ կրթության և նրանց տնտեսական հնարավորությունների ընդլայնման հրաշալի պաշտպանն է՝ ինչպես Գերմանիայում, այնպես էլ ամբողջ աշխարհում: Ես այնքան շատ բան եմ սովորել նրանից մեր զրույցի ընթացքում և մեր հետագա համագործակցության հույս ունեմ: Շնորհակալություն»,- գրել է Թրամփը:
Նա հաղորդագրությունը կրկնօրինակել է նաև գերմաներենով:
