«Ցավում եմ, որ ՀԱԿ կոչվող անհասկանալի քաղաքական կուսակցությունը, ուժը, խմբակցությունը (չենք հասկանում ինչի մասին է խոսքը այնուհանդերձ մինչև վերջ) այս 6 տարիների ընթացքում որևէ այլ քաղաքական կապիտալ իր համար չի կուտակել, քան այդ ողբերգական դեպքերի ընթացքում մարդկանց արյունը և հիշատակն է»,- այսօր կառավարության նիստից հետո հայտարարեց ՀՀԿ փոխնախագահ Արմեն Աշոտյանը՝ անդրադառնալով մարտի 1-ին ՀԱԿ-ի կազմակերպելիք հանրահավաքին:
«Սա քաղաքական սնանկության ամենաակնառու դրսևորումներից է: Երկրորդ՝ հիշում եմ, թե ինչպես էր ՀԱԿ պարագլուխներից մեկը «Բարգավաճ Հայաստան» կուսակցության ներկայացուցչի հետ փաստացի սակարկում Մարտի 1-ը, զոհերի հիշատակը և առհասարակ: Երրորդ՝ ողջունում եմ, օրինակ, Նիկոլի մոտեցումը, որովհետև ինքը ունի նման առիթ՝ նման բան անելու, ինչը չունի, օրինակ, Լևոն Զուրաբյանը՝ գիշերելու Մարտի 1-ի հրապարակում: Կամ՝ Լևոն Տեր-Պետրոսյանը: Պատկերացնո՞ւմ եք՝ եթե բոլորը Լևոնի նման այդ գիշերը դիմավորեին, ամեն մարդ իրա տանը»,- ասաց Ա. Աշոտյանը:
