Վրաստանի վարչապետ Իրակլի Ղարիբաշվիլին կարծում է, որ պետական ձեռնարկությունների և կազմակերպությունների պաշտոնյաների աշխատավարձերը, որոնք նրանց նշանակվել են դեռևս նախկին իշխանությունների կողմից, շատ բարձր են: Այս մասին հաղորդում է Ria Novosti-ն:
«Չորեքշաբթի օրը կառավարությունում տեղի ունեցած տնտեսական խորհրդի նիստի ժամանակ վարչապետը հետաքրքրվել է, թե ինչու են պետական հաստատությունների աշխատակիցների աշխատավարձերն այդքան բարձր `այդ հարցի պատասխանը պահանջելով ֆինանսների և էկոնոմիկայի նախարարից»,- հայտնել է գործակալության աղբյուրը:
«Վարչապետը հանդես է եկել աշխատավարձերի վերաբերյալ հարցին անհապաղ ռացիոնալ մոտեցում մշակելու նախաձեռնությամբ»,-հավելել է աղբյուրրը:
