«Գլոբալ Գոլդ Մայնինգ» ՍՊԸ հայաստանյան մասնաճյուղն ընդդեմ ՀՀ ԱՆ իրավաբանական անձանց պետռեգիստրի գործակալության, 3-րդ անձանց՝ «Մարջան Մայնինգ Քոմփանի» ՍՊԸ-ի, «Մարջան Կալդերա Մայնինգ» ՍՊԸ-ի, դատական վեճը կվերսկսվի: Երեկ վարչական դատարանի դատավոր Ռուզաննա Հակոբյանը պետք է հրապարակեր վճիռը, սակայն գտավ, որ դեռ չհետազոտված ապացույցներ կան, ուստի դատաքննությունը պետք է վերսկսել: Հիշեցնենք, որ հայցվոր ընկերությունը պահանջում է ամբողջությամբ անվավեր ճանաչել «Մարջան Մայնինգ Քոմփանի» ՍՊԸ-ի միակ մասնակցի փոփոխությունը, գրանցումը և նույն ՍՊԸ-ի կանոնադրական փոփոխություններով պետական գրանցումը: Հայցվորը պատճառաբանում է, թե այդ փաստաթղթերը կեղծելով կանադական ընկերությունը հայցվորից խլում է իրենց 100 տոկոս սեփականությունը, մյուս կողմն էլ ասում է՝ դու 100 տոկոս սեփականատեր չես, յուրաքանչյուրս 45/55 համամասնությամբ փայատերեր ենք, բացի դա էլ՝ դուք եք անհրաժեշտ փաստաթղթերը կանադական ընկերության ղեկավարությունից պահանջել, մենք էլ ուղարկել ենք: Եթե նույնիսկ ընդունենք, որ գրացման մեջ կեղծիք կա, ապա դա դուք եք արել:
