ԱՄՆ մի շարք խոշոր քաղաքներում տեղի են ունեցել բողոքի «կանանց երթեր»: Այս մասին հաղորդում է RIA Novisti-ն՝ հղում անելով ակցիաների կազմակերպիչներին:
Երթերի մասնակիցները պահանջել են հետևել կանանց, սեռական և ռասայական փոքրամասնությունների իրավունքներին, ինչպես նաև բացասաբար են արտահայտվել ԱՄՆ նախագահ Դոնալդ Թրամփի քաղաքականության հասցեին: Նշվում է, որ մասնակիցներից շատերը աջակցում են Դեմոկրատական կուսակցությանը, սակայն ինքը՝ երթը, կապ չունի նրա հետ:
Հիշեցնենք, որ սա արդեն երրորդ ամենամյա երթն է: Առաջինը տեղի է ունեցել 2017-ի հունվարին Թրամփի երդմնակալությունից հետո: Այդ ժամանակ Վաշինգտոնում «կանանց երթին» մասնակցել էր 100 հազար մարդ: Այս տարի ակցիային մասնակցել են մայրաքաղաքի միայն 5 հազար բնակիչներ:
