«Անշուշտ, պատրաստ եմ քննադատություններին, գիտակցում եմ նոր տեսակի պատասխանատվությունը, որը կամավոր վերցրել եմ, եթե ես դրանից երկնչեի, երկար կմտածի այս «նոր աշխարհ» մտնելուց առաջ և գուցե չէի մտնի,- այս մասին «Առաջին լրատվական»- ի հետ զրույցում ասաց ԱԺ «Իմ քայլը» խմբակցության պատգամավոր Նարինե Թուխիկյանը: – Հնարավոր չէ իդեալական, «արդուկած» վիճակ ստեղծել երկրում և բոլորին գոհացնել: Շատ կարևոր է, որ մեզնից յուրաքանչյուրն իր խղճին դեմ չգնա, կարող ենք սայթաքել, բայց դիտավորյալ ինչ-որ բան այնպես չանելը հանցագործություն է… Մեր հասարակության մեջ նստած է սպառողի հոգեբանությունը: Ժամանակներ են փոխվել, կյանքի ձևն է փոխվել, և հիմա քայլ անելու, ստեղծարար լինելու շատ մեծ հնարավորություն կա յուրաքանչյուրի համար»:
Արդյո՞ք հնարավոր է քաղաքականության մեջ շարժվել խղճի մտոք. այս հարցին ի պատասխան՝ Ն. Թուխիկյանն ընդգծեց, որ մարդը հոգևոր էակ է և ունի խիղճ, որն ի վերուստ է տրված: Նրա խոսքով՝ բարոյականությունը և քաղաքականությունը համատեղելի են:
Թուխիկյանի խոսքով՝ եթե թիմի անդամները նույն ուղղությամբ են նայում, տեսնում են մեկ վերջնական նպատակ, ապա կարող են գալ կոնսենսուսի՝ անկախ նրանից, թե ինչպես են պատկերացնում խոչընդոտները հաղթահարելու ուղիները:
«Հայաստանը պատրաստվում է թռիչքի, թե՛ խորհրդարանական, թե՛ արտախորհրդարանական ուժերը պետք է օժանդակեն այդ թռիչքին,- ընդգծեց Նարինե Թուխիկյանը: – Փաշինյանի գործոնը չի խոչընդոտում, այլ օգնում է»:
Մանրամասն՝ տեսանյութում: