Իրանում հակակառավարական գործունեության համար հինգ տարվա բանտարկության դատապարտված բրիտանուհի Նազանին Զագերի-Ռետկլիֆը բանտում եռօրյա հացադուլ է անցկացրել իրեն բուժօգնության տրամադրումը մերժելու համար: Այդ մասին հայտնել է Independent հրատարակությունը՝ վկայակոչելով բանտարկյալի ամուսնու՝ Ռիչարդ Ռետկլիֆի հայտարարությունը:
Ավելի վաղ հաղորդվել էր, որ դեկտեմբերի 14-ից Զագերի-Ռետկլիֆը պատրաստվում Է եռօրյա հացադուլ սկսել ի նշան այն բանի դեմ բողոքի, որ իրեն թույլ չեն տվել բանտից դուրս խորհրդակցել բժիշկի հետ նյարդաբանական օգնություն ստանալու համար: Այդ կապակցությամբ Մեծ Բրիտանիայի արտաքին գործերի նախարար Ջերեմի Հանթը կանչել Է Իրանի դեսպանին՝ պահանջելու անհապաղ անհրաժեշտ բուժօգնություն ապահովել Բրիտանիայի քաղաքացուհուն:
«Այժմ նրան կթույլատրվի վերսկսել բուժումը բանտից դուրս գտնվող հիվանդանոցներում»,- գրում Է հրատարակությունը՝ վկայակոչելով Ռետկլիֆին: Ինչպես նշում ՝ թերթը, հայտարարությունն արվել ՝ այն բանից հետո, երբ ՄԱԿ-ում մարդու իրավունքների գծով մի խումբ փորձագետներ Իրանին նախազգուշացրեցին, որ Զագերի-Ռետկլիֆին բուժօգնություն տրամադրելուց հրաժարվելը կարող Է հավասարեցվել կտտանքին:
Իրանի իշխանությունները 2016 թվականի ապրիլին ձերբակալել են Իրանի քաղաքացիություն ունեցող 37-ամյա բրիտանահպատակ Նազանին Զագերի-Ռետկլիֆին՝ նրան մեղադրելով հակակառավարական գործունեության մեջ: Նրանց տվյալներով՝ կինը մասնակցել Է արտասահմանյան մի քանի կազմակերպություններում եւ ԶԼՄ-ներում իրանական իշխանությունների դեմ նախագծերի ստեղծման աշխատանքին:
Զագերին Thomson Reuters Foundation ընկերության աշխատակցուհի էր: Մեծ Բրիտանիայի ԱԳ նախարարությունն սկսել է պարզել այդ գործի մանրամասները: Ընդսմին նշվել է, որ Իրանը չի ճանաչում երկքաղաքացիությունը: Հուլիսին Զագերի Ռետկլիֆին պաշտոնական մեղադրանք էր առաջադրվել: Այնուհետև հեղափոխական դատարանն Իրանում նրան դատապարտել էր հինգ տարվա բանտարկության: Իրանական իշխանությունները Զագերի-Ռետկլիֆին բերման էին ենթարկել այն ժամանակ, երբ նա դստեր հետ գտնվում էր արձակուրդում, հաղորդել է ՌԻԱ Նովոստին:
