«Տանը միայնակ» ֆիլմի աստղը պատմել է փոփ երգիչ Մայքլ Ջեքսոնի հետ ընկերության մասին, ինչը երգչի նկատմամբ մանկապղծության մեղադրանքների ֆոնին շատերը կասկածելի են համարել:
Կալկինը նոր հարցազրույցում բացատրել է, որ Ջեքսոնը ցանկացել է օգնել նրան, երբ 1990-ականների սկզբին տղան սուպերաստղ է դարձել: «Մենք մտերմացանք, քանի որ ինձ հետ շատ արագ սկսեցին տարբեր բաներ պատահել, ինչպես իր հետ ժամանակին»,- Կալկինին մեջբերում է Mirror-ը:
Կալկինը նաև հիշում է, որ ընկերներ չուներ, իսկ դպրոցում ոչ ոք չէր պատկերացնում, թե ինչերի միջով կարող է անցնել փոքրիկ աստղը: «Իսկ նա մարդ էր, ում հետ պատահել էր նույնը, և նա ցանկանում էր համոզվել, որ ես ինձ միայնակ չեմ զգում»,- ասել է դերասանը:
«Նա շատ, հմայիչ էր, ուրախ, զվարճալի, հիմար: Բոլորի համար սա շատ կարևոր է, իսկ ինձ համար դա սովորական ընկերություն էր»,- ասել է Կալկինը, ընդգծելով, որ Ջեքսոնի կողմից ոչ մի ոտնձգության դեպք երբևէ չի եղել:
