Ռուսաստանի միացյալ նավաշինական կորպորացիան 2016 թ. կսկսի ավիակիրների նախագծման և կառուցման աշխատանքները: Այս մասին Interfax գործակալությանն ասել է կոնցեռնի նախագահ Ռոման Տրոցենկոն՝ նշելով, որ Ռուսաստանն ավիակիրների կարիք ունի: Ավելի վաղ ավիակիրների կառուցելու մասին խոսել էին նաև ՌԴ փոխվարչապետ Սերգեյ Իվանովը և պաշտպանության նախարար Անատոլի Սերդյուկովը, որոնք սակայն ասել էին, որ Ռուսաստանի 2010-2011 թթ. պետբյուջեում նման ծրագրի համար գումարներ հատկացված չեն:
2010 թ. դեկտեմբերին ռուսաստանյան լրատվամիջոցները, հղում անելով ՌԴ պաշտպանության նախարարությանը, հաղորդել էին, որ Ռուսաստանը մինչև 2020 թ. ծրագրել է կառուցել մինչև 4 ավիակիր: Նշվում էր նաև, որ այս պահին իրականացվում են նախագծային ծրագրեր:
