Հաճա՞խ եք արդյոք բարկություն և գրգռվածություն զգում: Եթե այո, ապա ինչպե՞ս եք ազատվում հուզական բեռից: Չինաստանում այդ հարցը հիմնավորապես լուծված է. բացվել է սենյակ, որտեղ չարացած կամ հուսալքված մարդը հնարավորություն ունի լիովին ազատվել ապակառուցողական զգացմունքներից և արտաքին աշխարհ վերադառնալ հանգիստ ու թարմացած:
«Զայրույթի սենյակ» պեկինյան ձևով
Անսովոր տեղը գտնվում է Պեկինի թաղամասերից մեկում և ավելի շատ նման է Երկրորդ աշխարհամարտի ժամանակների բունկերի: Սա զարմանալի չէ, քանի որ սենյակի հեղինակների կարգախոսն է «Կոտրիր և ոչնչացրու», իսկ յուրահատուկ թերապիայից հետո այստեղ ոչ մի ամբողջական առարկա չի մնում: Պեկինը խիտ բնակեցված աղմկոտ քաղաք է, որի բնակիչներին ավելի ու ավելի դժվար է դառնում այդ անհավանական ռիթմին և հսկայական հոգեբանական սթրեսին հարմարվելը:
«Զայրույթի սենյակը» գերազանց ելք է իրավիճակից: Այստեղ գալիս են դպրոցականներ, գրասենյակային աշխատողներ, լքված սիրահարներ, մի խոսքով, բոլոր նրանք, ովքեր ինչ որ բանից լուրջ վրդովված են, զայրացած կամ չարացած:
