Լույս հունվարի 1-ի գիշերը Ղազախստանի Կարագանդա քաղաքի ռեստորաններից մեկում տեղի ունեցած սպանությունը, որի առթիվ հարուցված քրեական գործով երեք հայ է անցնում, երկրի ազգայնական հայացքներ ունեցող բնակիչների շրջանում հուզումների տեղիք է տվել:
Հարուցված քրեական գործի շրջանակում երեք տղամարդու են բերման ենթարկել` Քաիր Նադիրբեկովին, Թորգոմ Մալխասյանին, Սոխակ Մալխասյանին։ Նարեկ Գուրուրյանի նկատմամբ հանրապետական հետախուզում է հայտարարվել։ Քրեական գործեր են հարուցվել՝ ՔՕ 99 («սպանություն») և 293 («խուլիգանություն») հոդվածների համապատասխան:
23-ամյա երիտասարդի սպանությունից հետո սոցցանցերում հայերի նկատմամբ հաշվեհարդարի կոչեր են հնչեցվում: Քրեական գործ է հարուցվել ազգամիջյան թշնամանք հրահրելու վերաբերյալ։
Այսպես, Սեմեյ քաղաքում մի քանի հոգանոց խումբը ներխուժել է «Բաքու» կոչվող ադրբեջանական սրճարան։
Տղամարդիկ որոշել են վրեժխնդիր լինել հայերից՝ չիմանալով, Ադրբեջանն ու Հայաստանը տարբեր երկրներ են։
Երկրում նաև բողոքի ակցիա է տեղի ունեցել: Հարյուրավոր ղազախներ են մասնակցել Կարագանդայում տեղի ունեցած հանրահավաքին: Քաղաքացիների կուտակված վայրում հատուկ նշանակության զորքեր են կենտրոնացվել, տանիքներին դիպուկահարների են նկատել:
https://www.facebook.com/100005216673893/videos/1003950266455520/
