Հայ ազգային կոնգրեսի արտաքին հարաբերությունների հանձնաժողովի ներկայացուցիչ Վլադիմիր Կարապետյանը այսօր «Հայացք» ակումբում հրավիրված մամլո ասուլիսում անդրադարձավ ներքաղաքական իրավիճակին:
Նա ասաց, որ հանրապետության մարզերում ակտիվ կերպով իրազեկված են վաղվա հանրահավաքի մասին, և հույս հայտնեց, որ մեր հասարակությունը խորապես ըմբռնում է պահի կարևորությունը։ «Մենք միշտ շեշտում ենք, որ քաղաքական ճգնաժամը հաղթահարված չէ: ԵԽԽՎ չորս բանաձևերում նշվել է, որ Հայաստանում առկա է քաղաքական ճգնաժամ: Մեր կարծիքով, ճգնաժամի հաղթահարման ճանապարհը մեկն է՝ արտահերթ խորհրդարանական և նախագահական ընտրությունների անցկացում»,- նշեց Վ.Կարապետյանը: ԵԽԽՎ վերջին՝ 1827 բանաձևում նորություն կա,- նկատեց Կոնգրեսի անդամը՝ մատնանշելով այն պահանջը, համաձայն որի՝ ԱԺ-ին կոչ է արվում անցկացնել սահմանադրական բարեփոխումներ:
Վ.Կարապետյանն ասաց, որ ոստիկանությունը հանրահավաքի օրերին տրանսպորտի գործունեությունը սահմանափակում է: «Մենք կոչ ենք անում քաղաքացիներին, որ եթե վաղը կրկնվեն նման դեպքեր, դիմեն տրանսպորտի նախարարություն, որպեսզի պատժամիջոցներ կիրառվեն այն կազմակերպությունների նկատմամբ, որոնք դիմում են ապօրինի գործողությունների:
