Երեկ ծագած սկանդալը՝ սմարթֆոնների հավելվածների միջոցով օգտատերերին լրտեսելու մասին, շատ մշակողների ստիպել է մեկնաբանել իրավիճակը: Ինչպես հայտնել են Rovio ընկերությունում, որը հանդիսանում է հայտնի Angry Birds խաղերի շարքի ստեղծող, իրենք ԱՄՆ Ազգային անվտանգության գործակալության և համանման կազմակերպությունների հետ չեն համագործակցում: Այս մասին փոխանցում է TechCrunch տեխնոբլոգը:
ԶԼՄ-ներում երեկ հայտնվել էին տեղեկություններ այն մասին, որ Ազգային անվտանգության գործակալությունը կիրառում է ֆիննական ընկերության հայտնի խաղն օգտատերերի մասին տվյալներ հավաքելու համար: Շահարկումները հիմնված են եղել Էդվարդ Սնոուդենի տրամադրած փաստաթղթերի վրա:
Ընկերությունում նշել են, որ հատուկ ծառայությունները կարող են օգտատերերի տվյալներին հասանելիություն ստանալ՝ որսալով կողմնակի գովազդային ցանցերի տվյալները: Անմիջապես խաղի հավելվածից տեղեկությունների փոխանցում տեղի չի ունենում:
Rovio-ի գլխավոր տնօրեն Մայքլ Հեդը հայտարարել է, որ ընկերությունը մանրակրկիտ ուսումնասիրում է իր համագործակցությունը գովազդային գործընկերների հետ և կորոշի՝ արժե՞ արդյոք վերանայել նման գովազդային ցանցերի հետ աշխատանքի սկզբունքները:
