Միջազգային էներգետիկ գործակալության (ՄԷԳ) կողմից ռազմավարական պահուստներից նավթի մատակարարումը շուկաներ չարդարացված էր,- The Financial Times-ին ասել է նավթարտահանող երկրների (ՕՊԵԿ) կազմակերպության գլխավոր քարտուղար Աբդալլահ Սալիմ Ալ-Բադրին: Նշվում է, որ սկզբնական փուլում կազմակերպությունը չի արձագանքել արևմտյան երկրների այս նախաձեռնությանը:
Ալ-Բադրին ասել է, որ պահուստները ստեղծվել են արտակարգ իրավիճակներում դրանք շուկա նետելու, այլ ոչ թե նման ձևով նավթի շուկայի վրա ազդելու համար: ՕՊԵԿ-ում ասել են, որ Միջազգային էներգետիկ գործակալությունը պետք է անմիջապես դադարեցնի նավթի առաքումը շուկա:
ՄԷԳ-ը, որում ներգրավված են հիմնականում զարգացած երկրները, շուկա է արտահանել մոտ 60 միլիոն բարել նավթ՝ հայտարարելով, որ դրանով փորձում է լրացնել Լիբիայից առաքումների դադարեցումը: Այս քայլից հետո համաշխարհային շուկայում նավթի գները կտրուկ նվազել են, Brent մակնիշի նավթի մեկ բարելի գինը հասել է 107 դոլարի: