Հռոմի պապ Ֆրանցիսկոսը հայտնվել է Rolling Stone երաժշտական ամսագրի փետրվարյան համարի շապիկին, որը վաճառքում կհայտնվի հունվարի 31-ից:
Ամսագրի ղեկավարությունն իր ընտրությունը բացատրել է նրանով, որ Ֆրանցիսկոսը տարբերվում է նախկին քահանայապետերից իր լիբերալ հայացքներով, ժողովրդի հետ մտերմությամբ և առաջընթաց ապրող ծառայությամբ:
«Մի կողմից՝ Ֆրանցիսկոսը կրոնական ավանդույթների հետ կապված մարդ է, մյուս կողմից՝ նա պայքարում է, որ եկեղեցին նոր դարաշրջան թևակոխի»,- նշել են պարբերականում:
Նշենք, որ շապիկին տեղ են գտել Բոբ Դիլանի խոսքերը` The time, they are a-changin («Ժամանակներ. դրանք փոխվում են»): Դա ակնարկում է, որ Ֆրանցիսկոսի օրոք եկեղեցում զգալի փոփոխություններ են եղել:
