Բանգլադեշում դատական վճիռ է կայացվել սահմանապահների նկատմամբ, որոնք 2009 թ. մասնակցել են «Բանգլադեշցի հրձիգների» խռովությանը, որի հետևանքով մահացել է 74 մարդ: Այդ ժամանակ զոհվածներից 57-ը սպաներ էին:
Ապստամբներից 108-ին ազատազրկել են 7 տարով, ևս 549-ը դատապարտվել են 4 ամսից մինչև 6 տարի ազատազրկման,- փոխանցում է Asociated Press գործակալությունը: 9 սահմանապահ արդարացվել է: Իր մեղքն ընդունել է 31 մեղադրյալ, որոնցից 3-ը հետագայում ազատ արձակվեցին, մնացածը դատապարտվեցին: Գործի քննությունը տևել է 48 օր: Ընդհանուր առմամբ մեղադրյալների ցուցակում կար 666 մարդ: Մարտին ցուցակում 668 մարդ էր, սակայն հետագայում երկուսը անհայտ պատճառներով մահացան:
«Բանգլադեշցի հրձիգների» խռովությունը սկսվել է 2009 թ. փետրվարին: Այն ծագել է մայրաքաղաք Դաքքայում և ընդամենը մեկ օրվա ընթացքում տարածվել երկրով մեկ: Հակամարտության ընթացքում սպանվել է ընդհանուր առմամբ 74 մարդ։ Նրանց մեծ մասը եղել են սպաներ, որոնց ապստամբները գերի էին վերցնում: Այս միջոցով ապստամբները ցանկանում էին բարելավել իրենց սոցիալական վիճակը: Ավելի ուշ նրանք հայտարարել են, որ հանդես են եկել խտրականության դեմ՝ պահանջելով աշխատանքի հավասարաչափ վարձատրում, ինչպես նաև այն արտոնությունների տրամադրում, որից օգտվում էին զինվորականները:
Խռովությունը սկսել է «Բանգլադեշցի հրձիգների շաբաթը» տոնակատարության ժամանակ: Խռովության նախօրեին սահմանապահ ուժերի կենտրոնակայան էր այցելել երկրի վարչապետ Հասին Վազեդը: Զինվորականների դժգոհությունը կապված էր նրա հետ, որ ղեկավարությունը վարչապետի հետ չի քննարկել իրենց պահանջները:
Խռովությունը դադարեց այն բանից հետո, երբ իշխանությունները խոստացան ներել ապստամբներին և նրանց քրեական հետապնդման չենթարկել: Սակայն հետագայում այս որոշումը չիրականացավ, քանի որ հայտնաբերվեցին սպաների տասնյակ թաղված դիակներ:
