Ամերիկյան «Վոյաջեր 2» տիեզերական զոնդը պատմության մեջ երկրորդ տիեզերական սարքն է, որը դուրս է եկել հելիոսֆերայից և հայտնվել միջաստղային տարածության մեջ:
Այս մասին հաղորդել է NASA ավիատիեզերական գործակալության մամլո ծառայությունը:
«Voyager 2»-ը տիեզերք է արձակվել 1977թ.-ին արևային համակարգը ուսումնասիրելու նպատակով: NASA-ի նախկին աշխատակից Էդ Սթոունի խոսքերով սարքն ընտրվել է «Մեծ ճանապարհորդության» համար՝ դեպի Յուպիտեր, Սատուրն, Ուրան և Նեպտուն:
Հելիոսֆերան նման է փուչիկի, որը բաղկացած է արևային քամու պլազմայից: Դրա սահմաններից դուրս, այսպես կոչված, «հելիոպաուզայում» սկսվում է միջաստղային տարածությունը: Ընդունված է, որ Արեգակնային համակարգի սահմանը սկսվում է միայն հիպոթետիկ Օորտա ամպից այն կողմ, որի հեռավորությունը արևից կազմում է մոտավորապես լուսային տարի: Օորտա ամպին հասնելու համար տիեզերական սարքին անհրաժեշտ է ևս 300 տարի:
«Վոյաջեր 1»-ը «հելիոպաուզայից» անցել է 2012թ.-ին և դարձել միջաստղային տարածություն դուրս եկած մարդու կողմից ստեղծված առաջին օբյեկտը:
Երկու տիեզերական զոնդերում կա «ոսկյա սկավառակներ», որի վրա նշված են արևային համակարգի և Երկրի կոորդինատները, ինչպես նաև ձայնագրված են ձայնային և տեսա ազդանշաններ, որոնք կարող են օգնել ենթադրյալ այլմոլորակայիններին իմանալ Երկրի վրա գոյություն ունեցող կյանքի մասին:
